خوست؛ اسماعيل خېلو مندوزيو ولسوالۍ کې د ټېپ بال کرکټ سيالۍ پېل شوې
د خوست ولايت د بدني روزنې او سپورټ آمريت اړوند، د ټېپ بال کرکټ فدراسيون د استازولۍ له لوري، د ياد ولايت په اسماعيل خېلو مندوزيو ولسوالۍ کې د ۱۸ لوبډلو تر منځ د ټېپ بال کرکټ انتخابي سيالۍ پېل شوې.
د يادو سياليو لومړۍ لوبه د حقیار کلب او اتفاق لوبډلو تر منځ ترسره شوه، چې په پايله کې حقيار کلب لوبډلې په ټاکلو لسو اورونو کې خپلې سيالې لوبډلې ته ۸۲ منډو هدف کېښود، اتفاق لوبډلې ياد هدف تر لاسه کړ او لوبه يې د ۸ ویکټو په توپير خپله کړه
د يادونې وړ ده، چې د دغو سياليو موخه، د يادې ولسوالۍ منتخبې لوبډلې ته د غوره لوبغاړو موندل دي، چې شاوخوا يو مياشت به دوام وکړي.
