په زابل کې د یووالي په نوم د غیږنیونې پنځه ورځنۍ سیالۍ پاي ته ورسېدې
د زابل ولایت په شینکۍ ولسوالۍکې د لوی اختر په مناسبت د ۲۰۰ پهلوانانو ترمنځ د غېږنیونې سیالۍ له پنځه ورځني دوام وروسته پای ته ورسيدې.
په شنکۍ ولسوالۍ کې د دې سیالیو د سمبالوونکو په خبره په یادو سیالیو کې د شنکۍ په ګډون د دې ولسوالۍ د ليرو پرتو سیمو پهلوانانو برخه اخېستې وه.
د سیالیو ټول ګډونوال پهلوانان ښه وځلېدل او د نندارچیانو له تاوده هر کلي سره مخ شول.
د سیالیو موخه د لوی اختر خوښي نمانځل او ولسونو ته د یوې سالمې تفریح رامنځ ته کول وو.
