خوست؛ صبریو یعقوبیو ولسوالۍ کې د ١٨ ورزشکارانو ترمنځ د آشي هارا کراټې ټاکنیزې سیالۍ پای ته ورسېدې
د خوست ولایت د بدني روزنې او ورزش آمریت له لوري د یاد ولایت په صبریو یعقوبیو ولسوالۍ کې له څلورو کلبونو د ١٨ ورزشکارانو ترمنځ د آشي هارا کراټې ټاکنیزې سیالۍ پای ته ورسېدې.
د یادو سیالیو په پایله کې زیار کلب د ١٢ نمرو په ترلاسه کولو سره لومړی، ځاځي میدان کلب د ٥ نمرو په ترلاسه کولو سره دویم او باک کلب د یوې نمرې پر ترلاسه کولو سره بیا درېیم مقام خپل کړ.
د یادونې وړ ده، چې له دغو سیالیو څخه ١٨ تنه د خوست ولایت د آشي هارا کراټې ټاکنیزې لوبډلې ته وټاکل شول.
