جوزجان؛ مرکز شبرغان کې د ۱۰ لوبډلو ترمنځ د فوټسال سيالۍ پيل شوې
د جوزجان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري او د اکتيد دفتر په مالي ملاتړ د ياد ولايت په مرکز شبرغان کې د پسرلني جام په نوم د ۱۰ لوبډلو ترمنځ د فوټسال سيالۍ پيل شوې، چې ۱۳ ورځې به دوام وکړي.
د دغو سياليو لومړۍ لوبه د افغان کلب او جندمحله ځوانانو لوبډلو ترمنځ ۱/۱ مساوي پای ته ورسېده او يو-يو امتياز يې ترلاسه کړ.
د يادو سياليو موخه د فوټسال لوبو ته وده ورکول او د ځوانانو ترمنځ يووالی رامنځته کول دي.
