د کرېکت له نوولس کلنو کم عمره او ملي لوبډلې خپلو سیالانو ته ماتې ورکړې
د کریکټ له نوولس کلونو کم عمره لوبډلې تانزانیا ته د نهه ویکټو په توپیر ماته ورکړه او د نړۍوال جام روانو سیالیو کې یې پرلپسې د درېیمې بریا په خپلولو د ګروپ مخګښې لوبډلې په توګه بل پړاو ته لار ومونده.
همدارنګه د کریکټ ملي لوبډلې له ویسټ انډیز سره د (اي انډ) د درط شل اوریزو نړۍ والو سیالیو په دویمه لوبه کې دغې لوبدلې ته د ۳۹ منډو په توپیر ماته ورکړه.
له دغو سیالیو څخه نصرت الله نورستاني په ۱۹ کلونو کم عمره لوبډله کې او مجیب الرحمن په ملی لوبډله کې د غوره توپ اچوونې له امله د لوبې غوره لوبغاړي ونومول شول.
د کریکټ ملي لوبډله به خپله وروستۍ لوبه نن ماښام د دوبۍ نړۍوال لوبغالي کې له ویسټ انډیز سره وکړي او له ۱۹کلونو کم عمره لوبډله به راتلونکي پړاو کې د سیالانو له ټاکل کېدو وروسته خپلو سیالیو ته دوام ورکړي
