خوست؛ تڼيو ولسوالۍ کې د ۲۲ ښوونځيو ترمنځ د واليبال سيالۍ پيل شوې
د خوست ولايت د بدني روزنې او ورزش آمريت په همغږۍ او د تڼیو ولسوالۍ معارف آمريت له لوري د ياد ولايت په تڼیو ولسوالۍ کې د ۲۲ ښوونځيو ترمنځ د "معارف جام" په نوم د واليبال سيالۍ پيل شوې.
د دغو سياليو په لومړۍ لوبه کې گلاب خان عالي لیسې لوبډلې خپلې سيالې للمۍ ذکورو لېسې لوبډلې ته د ۲ پر صفر ميدانونو په توپير ماتې ورکړه او بريا يې په خپل نوم کړه.
د يادو سياليو موخه په ښوونځيو کې د واليبال ورزش ته وده ورکول او زده کوونکو لپاره د سالمې تفريح برابرول دي، چې شاوخوا ۲۵ ورځې به دوام وکړي.
