کندز کې د فوټبال مقدماتي ليګ پای ته ورسېده
د کندز ولايت د بدني روزنې او ورزش رياست اړوند د فوټبال ملي فدراسیون د استازولۍ له لوري د ياد ولايت په سپين زر ورزشي لوبغالي کې د ۱۰ لوبډلو ترمنځ د فوټبال مقدماتي غوره ليګ سيالۍ د سرې مياشتې لوبډلې په اتلولۍ پای ته ورسېدې.
د دغو سياليو په پايلوبه کې سرې مياشتې لوبډلې خپلې سیالې سپين زر لوبډلې ته د ۲/۰ ګولونو په توپير ماتې ورکړه او اتلولي يې خپله کړه.
د يادو سياليو موخه د کندز ولايت غوره ليګ سياليو ته د لوبډلو لا ښه چمتوالی و، چې دوې اونۍ يې دوام وکړ.
د سياليو په کې د ورزش مسوولينو له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
