پکتیکا؛ مرکز ښرنه کې د دولتي ادارو ترمنځ د والیبال دویم پړاو سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د والیبال فدراسیون د استازولي له لوري د ياد ولايت مرکز ښرنه کې د ٢٠ دولتي ادارو ترمنځ د والیبال دویم پړاو سیالۍ د قومانداني لوبډلې په اتلولي پای ته ورسېدې.
د دغو سياليو په پایلوبه کې قومانداني لوبډلې د ٢ پر یو میدان په توپیر خپلې سیالې ډ پوهنې ریاست لوبډلې ته ماتې ورکړه او اتلولي یې وګټله.
دا سیالۍ د دولتي ادارو د کارکوونکو ترمنځ د پېژندګلوي او سالمې تفرېح په موخه ترسره شوې چې دوې اوونۍ يې دوام وکړ.
