کندز؛ خان آباد ولسوالۍ کې د څلورو لوبډلو ترمنځ د ټېپ بال کرېکټ سیالۍ پیل شوې
د کندز ولایت د بدني روزنې او ورزش ریاست اړوند د ټېپ بال کرېکټ فدراسیون د استازولي له لوري د یاد ولایت په خان آباد ولسوالۍ کې د څلورو لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د خان آباد او تخار ولایت لوبډلو ترمنځ ترسره شوه. د لوبې پچه د خان آباد ولسوالۍ لوبډلې وګټله او لومړی یې د توپوهنې پرېکړه وکړه چې په ټاکلو ۲۰ اورونو کې یې د خپلو څلورو لوبغاړو په له لاسه ورکولو سره خپلې سیالې لوبډلې ته د ۲۴۹ منډو هدف وټاکه. تخار ولایت لوبډلې د هدف په تعقیب کې د خپلو ټولو لوبغاړو په له لاسه ورکولو سره په ۱۳ اورونو کې ۱۲۲ منډې وکړې او لوبه یې د ۱۲۷ منډو په توپیر وبایلله.
دا سیالۍ د ټېپ بال کرېکټ د ودې په موخه پیل شوي دي، چې څلور ورځې به دوام وکړي.
