ننگرهار؛ په مومندرې ولسوالۍ کې د شپږو لوبډلو ترمنځ د ټېپ بال کرکټ سيالۍ پيل شوې
د ننگرهار ولايت د بدني روزنې او ورزش رياست په همکارۍ د مومندرې ولسوالۍ په گردي غوث سيمه کې د شپږو لوبډلو ترمنځ د ځوانانو يووالي په موخه د ټېپ بال کرکټ سيالۍ د افغان ټايگر لوبډلې په بريا پيل شوې، چې شاوخوا يوه مياشت به دوام وکړي.
په دغو سياليو کې د افغان ټايگرز، محمد ټايگرز، وهاب ټايگرز، افغان اتلان، سټار کېنگ او مومند لوبډلو گډون کړی، چې لومړنۍ لوبه يې د افغان ټايگرز او محمد ټايگرز لوبډلو ترمنځ ترسره شوه، افغان ټايگر لوبډلې د لوبې پچې په گټلو سره په ټاکلو نهو اورونو کې د شپږو لوبغاړو په سوځېدو سره سیالې لوبډلې ته د ۱۸۲ منډو هدف وټاکه، په مقابل کې محمد ټايگرز لوبډلې د ټولو اورونو په لوبولو سره يواځې ۱۶۲ منډې وکړې لوبه ې د ۲۰ منډو په توپير وبايلله.
