کندز؛ اقتيپې لوبډلې د دوستي جام په نوم د فوټبال سياليو اتلولي وگټله
د کندز ولايت د بدني روزنې او ورزش آمريت اړوند د فوټبال فدراسيون د استازولۍ له لوري د ياد ولايت په قلعه ذال ولسوالۍ کې د شپږو لوبډلو ترمنځ د دوستي جام په نوم د فوټبال سيالۍ، چې څلورو ورځې مخکې پیل شوې وې، د اقتيپې لوبډلې په اتلولۍ پای ته ورسېدې.
د يادو سياليو په پايلوبه کې اقتيپې لوبډلې خپلې سيالې چهار گلتيپې لوبډلې ته د ۰/۲ گولونو په توپير ماتې ورکړه او اتلولي يې خپله کړه.
ياده دې وي، چې د دغو سياليو په پای کې د ياد ولايت د ورزش رياست له لوري لومړي او دويم مقام گټوونکو لوبډلو ته کپونه، توپونه، مډالونه او ستاينليکونه ورکړل شول.
