زابل؛ په قلات ښار کې د ۴۰ پهلوانانو ترمنځ د سيمه ييزې غېږ نيونې سيالۍ ترسره شوې
د زابل ولايت د بدني روزنې او ورزش آمريت په همکارۍ د ياد ولايت په مرکز قلات ښار کې د ۴۰ پهلوانانو ترمنځ د سيمه ييزې غېږ نيونې سيالۍ ترسره شوې.
دغه سیالۍ، چې د سيخاک، ترنک سيمو او ميزاني ولسوالۍ ورزشکارانو ترمنځ ترسره شوې، چې په پايله کې د سيخاک سيمې ورزشکارانو په بريا پای ته ورسېدې.
ياده دې وي، چې د دغو سياليو په پای کې د ياد ولايت د ورزش امريت له لوري سيمه ييزو مشرانو او ورزشکارانو ته مډالونه، ستاينليکونه او نقدي ډالۍ ورکړل شوې.
