پکتيا؛ په سيدکرم ولسوالۍ کې د ۴۵ لوبډلو ترمنځ د يووالي جام په نوم د واليبال سيالۍ پيل شوې
د پکتيا ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په سيدکرم ولسوالۍ کې د شپږو ولایتونو د ۴۵ لوبډلو ترمنځ د يووالي جام په نوم د واليبال سيالۍ، پکتيا نورالرحمن لوبډلې په بريا پيل شوې، چې شاوخوا يوه نيمه مياشت به دوام وکړي.
په دغو سياليو کې د پکتيکا، کابل، غزني، لوگر، خوست او کوربه پکتيا ولايتونو لوبډلو گډون کړی، چې په لومړنۍ لوبه کې پکتيا نورالرحمن لوبډلې خپلې سيالې عثمان خېلو لوبډلې ته د ۲/۳ ميدانونو په توپير ماتې ورکړه او بريا يې خپله کړه.
