خوست؛ په متون ښار کې د ۴۰ لوبډلو ترمنځ د فوټبال سيالۍ پای ته ورسېدې
د خوست ولايت د بدني روزنې او سپورټ امريت اړوند د فوټبال فدراسيون د استازولۍ له لوري د متون ښار په تڼيوال پارک کې د ۴۰ لوبډلو ترمنځ د فوټبال رمضان جام سيالۍ د بريال لوبډلې په اتلولۍ پای ته ورسېدې.
د دغو سياليو پايلوبه د بريال او داود لښکر لوبډلو ترمنځ ترسره شوه، چې په ټاکلي وخت سيالۍ ۲/۲ مساوي پای ته ورسېده، خو په پنالټيانو کې بريال لوبډلې سيالې لوبډلې ته د ۷/۸ گولونو په توپير ماتې ورکړه او اتلولي يې خپله کړه.
د يادونې وړ ده، چې دغه سيالۍ د روژې مبارکې میاشتې کې پيل شوې، خو د ځینو ستونزو له امله يې نن ورځ پايلوبه ترسره شوه.
