کونړ؛ مرکز کې د ١٦ لوبډلو ترمنځ د والیبال اختریزې سیالۍ پای ته ورسېدې
د کونړ ولایت د بدني روزنې او ورزش آمریت اړوند د والیبال فدراسیون د استازولي له لوري د والیبال اختریزې سیالۍ د امیرخان لوبډلې په اتلولي پای ته ورسېدې.
په دغو سياليو کې له مرکز او ولسوالیو څخه ١٦ لوبډلو ګډون کړی و، چې پایلوبه يې د امیرخان او نرنګ ولسوالۍ منتخبې لوبډلې ترمنځ ترسره شوه.
د سياليو په پایلوبه کې امیرخان لوبډلې د ٣/ ٢ میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
د سياليو په پای کې اتلې لوبډلې ته د اتلولي کپ او غوره ورزشکارانو ته ورزشي ډالۍ ورکړل شوې.
