پکتيکا؛ په مرکز ښرنه کې د لوی اختر په مناسبت د ټېپ بال کرکټ سيالۍ پيل شوې
د پکتيکا ولايت د بدني روزنې او سپورټ امريت له لوري د مرکز ښرنې ښار په څلي سيمه کې د ۲۲ لوبډلو ترمنځ د لوی اختر په مناسبت د ټېپ بال کرکټ سيالۍ د څلي سټرايکرز لوبډلې په بريا پيل شوې.
د يادو سياليو لومړۍ لوبه د څلي سټرايکرز او ايلون سټارز لوبډلو ترمنځ ترسره شوه، ايلون سټارز لوبډلې د لوبې پچه په گټلو سره په ټاکلو ۲۰ اورونو کې د اوو لوبغاړو په سوځېدو سره سیالې لوبډلې ته د ۲۹۳ منډو هدف کېښود، څلي سټرايکرز لوبډلې ياد هدف په وروستي اور کې ترلاسه کړ او د پنځو ويکټو په توپير يې بريا يې خپله کړه.
د يادونې وړ ده، چې دغه سيالۍ به شاوخوا ۲۰ ورځې دوام وکړي.
