تخار؛ د کوکچې ځوانانو لوبډلې د دشت قلعه ولسوالۍ د والیبال اختريز جام سياليو اتلولي وګټله
د تخار ولایت د دشت قلعه ولسوالۍ مرکزي لېسه کې د ياد ولايت مرکز او ولسواليو څخه د ١٠ لوبډلو ترمنځ د والیبال اختريز جام سیالۍ چې څلور ورځې مخکې پیل شوې وې د کوکچې ځوانانو لوبډلې په اتلولي پای ته ورسېدې.
د یادو سیالیو پایلوبه د کوکچې ځوانانو او عقابان ګولایي لوبډلو ترمنځ ترسره شوه چې په پایله کې یې د کوکچې ځوانانو لوبډلې د ٣/١ میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
د سياليو په پای کې اتلې لوبډلې او غوره ورزش کارانو ته چمتو شوې ډالۍ ورکړل شوې.
