کابل کې د نېکمرغه لوی اختر په مناسبت د ووشو ساندا لومړی پړاو سیالۍ ترسره شوې
د بدني روزنې او ورزش لوی ریاست په همغږي د ووشو ملي فدراسیون له لوري د ۵۰ تنو ورزش کارانو ترمنځ د ووشو لومړی پړاو سیالۍ ترسره شوې.
دغه سیالۍ د لویانو په عموي کټګوري او له ۲۵ تر ۶۵ کیلو ګرامه وزني کټګوري کې د یوې ورځې لپاره ترسره شوې.
دغو سیالیو کې د بدني روزنې او ورزش لوی ریاست فني او مسلکي مرستیال حافظ احمدجان ځدراڼ، ورزشي سلاکار قاري حیات الله رحماني او د اطلاعاتو او عامه پوهاوي رئیس اتل مشواڼي ګډون کړی و.
یادې سیالۍ د نېکمرغه لوی اختر د نمانځلو او په هېواد کې د ووشو ورزش د ودې په موخه ترسره شوې او په پای کې غوره لوبغاړو ته کپونه او مډالونه ورکړل شول.
