پکتيا؛ په روحاني بابا ولسوالۍ کې د اتو لوبډلو ترمنځ د رسۍ کشوونې سيالۍ ترسره شوې
د پکتيا ولايت د بدني روزنې او سپورټ رياست اړوند د ملي او دوديزو لوبو مديريت له لوري د ياد ولايت په روحاني بابا ولسوالۍ کې د اتو لوبډلو ترمنځ د رسۍ کشوونې سيالۍ ترسره شوې.
د يادو سياليو پايلوبه د روحاني بابا او عبدالله لوبډلو ترمنځ ترسره شوه، چې په پايله کې عبدالله لوبډلې سيالې لوبډلې ته ماتې ورکړه او اتلولي يې په خپل نوم کړه.
دغه سیالۍ، چې د ملي او دوديزو لوبو د ودې او پرمختگ په موخه ترسره شوې، په پای کې غوره ورزشکارانو ته چمتو شوې ډالۍ ورکړل شوې.
