غزني؛ جاغوري ولسوالۍ کې د څلورو لوبډلو ترمنځ د والیبال سیالۍ د کلپ ستاره لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د والیبال فدراسیون د استازولۍ له لوري په جاغوري ولسوالۍ کې د څلورو لوبډلو ترمنځ د والیبال سیالۍ، چې درې ورځې وړاندې پيل شوې وې د کلپ ستاره لوبډلې په اتلولۍ پای ته ورسېدې.
د دغو سیالیو په پایلوبه کې د کلپ ستاره لوبډلې خپلې سیالې ازادي لوبډلې ته د ۳/۱ امتیازونو په توپيرماتې وکړه او اتلولي یې خپله کړه.
د یادو سیالیو موخه د غزني ولایت منتخبې لوبډلې ته د غوره لوبغاړو موندل و.
د سیالیو په پای کې غوره لوبغاړو ته کپ او د اتلولۍ حکم ورکړل شوه.
