کابل؛ د افغانستان اتلانو فوټبال لیګ په یو دېرشمه او دوه دېرشمه لوبه کې عدالت فراه او ابو مسلم فراه لوبډلو بریاوې خپلې کړې
د افغانستان اتلانو لیګ فوټبال سیالیو په دوام کې نن یو دېرشمه لوبه کې عدالت فراه له موج ساحل او دوه دېرشمه لوبه کې ابو مسلم فراه له میوند اف سي لوبډلې سره لوبه ترسره کړه.
د دغو سیالیو په یو دېرشمه لوبه کې عدالت فراه لوبډلې د ۳ پر صفر ګول موج ساحل ته او دوه دېرشمه لوبه کې ابو مسلم فراه د ۹ پر یو ګول میوند اف سي لوبډلې ته ماتې ورکړه.
د افغانستان اتلانو لیګ درېیم پړاو سیالۍ د بدني روزنې او ورزش لوی ریاست په همغږي د فوټبال فدراسیون له لوري له مرکز او ولایتونو څخه د ۱۲ لوبډلو ترمنځ پیل شوې دي چې ۱۷ ورځې به نور هم دوام وکړي.
