هلمند؛ د مرکز لښکرګاه ټېپ بال سياليو اتلولي ازاد لوبډلې خپله کړه
د هلمند ولايت په مرکز لښکرګاه ښار کې د ۴۸ لوبډلو ترمنځ د ټېپ بال کرکټ سياليو اتلولي ازاد لوبډلې خپله کړه.
د دغو سياليو پايلوبې ته ازاد او پښتون بازانو لوبډلو لار موندلې وه، لومړی توپوهنه پښتون بازانو لوبډلې وکړه او په ټاکلو لسو اورونو کې يې سيالې لوبډلې ته ۱۲۶ منډې هدف کېښود. د لوبې په دويمه پاڼۍ کې ازاد لوبډلې ياد هدف د درېوو لوبغاړو په زيان په اووم اور کې پوره کړ او په اووه ويکټو يې اتلولي خپله کړه.
هېره دې نه وي، چې د دغو سياليو موخه د ورزشکارانو ترمنځ د يووالي فضا رامنځته کول و او په پای کې اتلو لوبډلو ته موټرسايلکلونه او چمتو شوې ډالۍ ورکړل شوې.
