کابل کې د بدني روزنې او ورزش عمومي ریاست اړوند د دعوت او ارشاد ریاست له لوري د یاد ریاست له کارمندانو د اسلامي اساساتو دویم پړاو ازموینه واخیستل شوه
د بدني روزنې او ورزش عمومي ریاست اړوند د دعوت او ارشاد ریاست له لوري د یاد ریاست په جومات کې د څلورم او پینځم بستونو له کارمندانو د اسلامي اساساتو دویم پړاو ازموینه واخیستل شوه.
په دغه ازموینه کې د بدني روزنې او ورزش عمومي ریاست فني او مسلکي معاون حافظ احمدجان څدراڼ د بدني روزنې او ورزش عمومي ریاست د دعوت او ارشاد ریاست رهبري پلاوي او د یاد ریاست کارمندانو ګډون کړی وو.
د ازموینې په پیل کې د بدني روزنې او ورزش عمومي ریاست د دعوت او ارشاد رییس داد محمد بریال عطایي وویل: دغه امتحان زموږ د خپلو درسونو د ورکړې د ارزیابۍ امتحان دی او د کارمندانو لپاره د اسلام شریعت په چوکاټ کې د ظاهري جوړښت ارزیابي ده.
