لغمان؛ په مرکز مهترلام کې د ۳۶ لوبډلو ترمنځ د واليبال رمضان جام سيالۍ پيل شوې
د لغمان ولايت د بدني روزنې او ورزش امريت او واليبال فدراسيون په همغږۍ د ياد امريت په ورزشي جمنازيوم کې د سولې آرمان راډيو په مالي ملاتړ د ۳۶ لوبډلو ترمنځ د رمضام جام سيالۍ پيل شوې.
دغه سيالۍ چې ۱۵ ورځې به دوام وکړي، د پيل لوبه يې د سولې ارمان راډيو او ډنډرو کلي لوبډلو ترمنځ ترسره شوه، چې په پايله کې سولې ارمان راډیو خپلې سيالې لوبډلې ته د ۲_۰ ميدانونو په توپير ماتې ورکړه او بريا يې خپله کړه.
هېره دې نه وي چې د دغو سياليو موخه د غوره څېرو پيژندل، د لوبغاړو ترمنځ د تجربو شريکول، د نشه یي توکو پر ضد مبارزه او د ځوانانو ترمنځ یووالی ياد شوي دي.
