کابل؛ شپږو لوبډلو ترمنځ د رمضان جام په نوم د باسکټبال سیالۍ پای ته ورسېدې
د بدني روزنې او ورزش عمومي ریاست اړوند د باسکټبال ملي فدراسیون د استازولۍ له لوري د یاد ریاست په ۵۰۰ کسیز جمنازیوم کې د شپږو لوبډلو ترمنځ د روژې جام په نوم د باسکټبال سیالۍ ترسره شوې.
دغو سیالیو چې یوه ورځ یې دوام وکړ د هریرود، سره میاشت، کابل پلتخنیک، ش ه ی د عبدالرحیم لېسې، هریرود ب او د پیشکسوتان لوبډلو ګډون کړی وو.
په پایله کې د سرې میاشتې لوبډلې لومړی مقام، هریرود لوبډلې دویم مقام او پیشکسوتان لوبډلې درېیم مقام ترلاسه کړ.
د یادو سیالیو موخه د باسکټبال ورزش ته وده ورکول او د ځوانانو هڅول و.
