بغلان؛ برکه ولسوالۍ کې د تېږې اچوونې او ځغاستې سيالۍ ترسره شوې
د بغلان ولايت د بدني روزنې او سپورټ امريت اړوند د ملي او دوديزو لوبو مديريت له لوري په برکه ولسوالۍ کې د ۵۶ ورزشکارانو ترمنځ د تېږې اچوونې او ځغاستې سيالۍ ترسره شوې.
دغه سيالۍ، چې يوه ورځ يې دوام وکړ، د تېږې اچوونې سياليو په پايله کې صفت الله لومړی، محمد نسيم دويم او عبدالله درېيم مقام خپل کړ او د دې ترڅنگ د ځغاستې سياليو په پايله کې يار محمد لومړی، عبدالله دويم او محمد سراج درېيم مقام تر لاسه کړ.
د دغو سياليو په پای کې د ورزش امريت له لوري غوره ورزشکارانو ته ستاينليکونه او چمتو شوې ډالۍ ورکړل شوې.
