پکتيکا؛ غيبي خېلو لوبډلې د واليبال ژمنيو سياليو اتلولي وگټله
د پکتيکا ولايت د بدني روزنې او سپورټ آمريت اړوند د واليبال فدراسيون د استازولۍ له لوري په یحيی خېلو ولسوالۍ کې د ۲۴ لوبډلو تر منځ د واليبال سيالۍ د غیبي خېلو لوبډلې په اتلولۍ پای ته ورسېدې.
د يادو سياليو پايلوبه د کرزي او غيبي خېلو لوبډلو تر منځ ترسره شوه، چې په پايله کې غيبي خېلو لوبډلې خپلې سيالې لوبډلې ته ۰/۲ میدانونو په توپير ماتې ورکړه او اتلولي يې خپله کړه.
د دغو سياليو موخه لرې پرتو سيمو کې ورزش ته وده ورکول و، چې دوې اوونۍ يې دوام وکړ.
د سياليو په پای کې غوره لوبغاړو ته چمتو شوې ډالۍ ورکړل شوې.
