خوست: مرکز کې د ۴۰ لوبډلو ترمنځ د ټېب بال کریکټ ټاکنیزې سیالۍ پیل شوې.
د خوست ولایت د ورزش او سپورټ امریت له لوري د یاد ولایت په مرکز د لکڼو سېمه کې د ۴۰ لوبډلو ترمنځ د ټېب بال کریکټ ټاکنیزې سیالۍ پیل شوې.
دغه سیالۍ چې یوه میاشت به دوام وکړي، لومړۍ لوبه یي د LCB او د کوړیانو فریدالله کریکټ لوبډلو ترمنځ ترسره شوه، چې په پایله کې د فریدالله لوبډلې په ټاکلو لسو اورونو کې د ۸ لوبغاړو دلاسه ورکولو سره د ۸۴ منډو هدف وټاکه په مقابل کې د LCB لوبډلې یاد هدف په ورستي اور کې د ۵ لوبغاړو دلاسه ورکولو سره پوره او سیالي یې په خپل نوم کړه.
د یادو سیالیو د ترسره کېدو موخه د لکڼ منتخبې لوبډلې ته د غوره لوبغاړو ټاکل دي.
