میدان وردګ؛ سید آباد ولسوالۍ کې د والیبال سیالۍ پیل شوې
د میدان وردګ ولایت د بدني روزنې او ورزش آمریت په همغږی او د سیدآباد ولسوالۍ د والیبال کمېټې له لوري د یادې ولسوالۍ په تنګی دره دورانیو کلي کې د ۳۶ لوبډلو ترمنځ د والییال سیالۍ پیل شوې.
د یادو سیالیو لومړۍ لوبه د حسن خېلو ځوانانو او لوګر ولایت حبیبې لوبډلې ترمنځ ترسره شوه، چی حسن خېلو ځوانانو د ۲-۰ میدانو په توپیر خپلې سیالې لوبډلې ته ماتې ورکړه.
د یادولو وړ ده، چې په دغو سیالیو کې له لوګر، نورستان، پکتیا او کابل ولایتونو څخه هم لوبډلو ګډون کړی دی چې ۵ اوونۍ به دوام وکړي.
د سیالیو موخه د لوبغاړو ترمنځ اتفاق او ورزش ته وده ورکول ښودل شوي دي.
