غزني؛ په ګیلان ولسوالۍ کې د والیبال سیالۍ د بازار اتفاق لوبډلې په اتلولۍ پای ته ورسېدې
د غزني ولایت د بدني روزنې او سپورت امریت له لوري د ۱۲ لوبډلو ترمنځ د والیبال سیالۍ، چې ۲۰ ورځې مخکې د ګیلان ولسوالۍ په قریه حسن ورزشي لوبغالي کې پیل شوې وې د بازاراتفاق لوبډلې په اتلولۍ پای ته ورسېدې.
د دې سیالیو پایلوبه د اتفاق بازار لوبډلې او واړه لوبډلې ترمنځ ترسره شوه په پایله کې د اتفاق لوبډلې وکولای شول خپلې سیالې لوبډلې ته د ۳/۱ میدانونو په توپیر ماتې ورکړه او اتلولي یې په خپل نوم کړه.
د سیالۍ په پای کې د ګیلان ولسوالۍ ورزشي مسوولینو له لوري غوره لوبډلې ته د اتلولۍ کپ او غوره لوبغاړو ته جایزې، کپونه او مډالونه ورکړل شول.
