هلمند؛ د خپلواکۍ په نوم د ۲۴ ورزشکارانو ترمنځ د کېک بوکس سیالۍ پای ته ورسېدې
د هلمند ولایت په مرکز لښکرګاه کې د ۲۴ ورزشکارانو ترمنځ د خپلواکۍ په نوم د کېک بکسینګ سیالۍ، چې دوې ورځې وړاندې پیل شوې وې، د دوو غوره لوبغاړو احمدشاه او محب الله په ټاکلو سره پای ته ورسېدې.
د کیک بکس سیالیو د پای په مراسمو کې د هلمند ولایت ورزشي، ولایتي، امنیتي او نورو مسوولینو سربېره، ورزشکارانو او ګڼو مینه والو ګډون درلود.
یو شمېر لوبغاړو د سیالیو په ترسره کېدو خوښي وښوده او د اطلاعاتو او کلتور ریاست او ورزش آمریت له هڅو یې مننه وکړه او زیاته یې کړه، چې دوی تل د ورزش په برخه کې ځوانان هڅولي دي.
