غزني؛ اندړو ولسوالۍ کې د نیزه وهنې سیالۍ ترسره شوې
د غزني ولایت اندړو ولسوالۍ کې د کلتوري لوبو د ودې په موخه د ګیرو او اندړو ولسوالۍ د ۴ ټیمونو او ۳۶ آس ځغلوونکو په ګډون د اندړو ولسوالۍ په لشکو ورزشي لوبغالي کې د یوې ورځې لپاره ترسره شوې.
په دغو لوبو کې د نیزه وهنې فدراسیون مسؤول، ورزشي مسؤولانو او نندارچیانو ګډون کړی و.
د دغو لوبو په پای ته رسېدو سره د ګیرو ولسوالۍ لومړی، د اندړو حکیم سنايي لوبډلې دویم او د حکیم سنايي B لوبډلې درېیم مقامونه ترلاسه کړ.
د ورزشي استازو له لوري غوره لوبډلو ته کپونه او د اتلولي جامونه ورکړل شول.
د دغو سیالیو موخه د کلتوري او عنعنوي لوبو وده ښودل شوې ده.
