پکتیا؛ د یتیمانو ترمنځ د فوټبال ۱۶ ورځنیو سیالیو اتلولي عبیده بن جراح لوبډلې وګټله
د پکتیا ولایت د امام ابو حنیفه دارلایتام مدرسې د ۸ لوبډلو ترمنځ د فوټبال ۱۶ ورځنۍ سیالۍ، خالد بن ولید لوبډلې ته د ۳-۶ ګولونو په توپیر، د عبیده بن جراح لوبډلې په بریا پای ته ورسېدې.
د فوټبال د یادو ۱۶ ورځنیو سیالیو په پای لوبه کې د پکتیا بدني روزنې او ورزش آمریت پر مسوولینو سربېره، د یاد دارلایتام مدرسې استادانو او ورزشکارانو ګډون درلود.
یادې سیالۍ یتیمانو ته د زده کړو ترڅنګ د سالمې تفريح برابرولو او ورزش ته د هڅولو په موخه پيل شوې وې.
د یادونې ده، چې د سیالیو په پای کې غوره لوبډلې او لوبغاړو ته مډالونه، کپونه او ورزشي ورزشي لباسونه ورکړل شول.
