تخار؛ په خواجه بهاءالدین ولسوالۍ کې د ۸۰ چاپندازانو ترمنځ د شپږم پړاو د اتلولۍ سیالۍ پای ته ورسېدې
د تخار، بدخشان او کندز له ولایتونو څخه د ۸۰ چاپاندازانو تر منځ د شپږم پړاو لپاره د بزکشۍ د اتلولۍ سیالۍ، چې د بدني روزنې او ورزش آمریت په مرسته د تخار ولایت د بزکشۍ فدراسیون له لوري د دغه ولایت د خواجه په بهاء الدین ولسوالۍ کې د بزکشۍ په میدان کې پیل شوې وې، پای ته ورسېدې.
دغه سیالۍ، چې دوه ورځې یې ادامه درلوده، په پای کې له کندز ولایت څخه پهلوان ذبیح لومړی مقام، له بدخشان ولایت څخه پهلوان غلام دویم مقام، له تخار ولایت څخه پهلوان رضا، پهلوان شبیر او پهلوان سمیع الله په دې سیالیو کې درېیم مقام لاسته راوړ.
په پای کې د مسوولینو له لوري د دغو سیالیو په ترسره کېدو ، د چاپندازانو لپاره ډول ډول تحفې ورکړل شوې.
د دې سیالیو د ترسره کېدو هدف د راتلونکو سیالیو لپاره تیاری نیول او د بزکشۍ سیالیو ته وده ورکول و.
