د ورزش لپاره ځانګړې شوې بوديجه د ورزشکارانو لپاره کارول کېږي. د بدني روزنې او ورزش رياست او المپیک ملي کمېټې مشر ډاکټر حفيظ الله ولي رحيمي دا څرګندونې د مډال ګټونکو لوبغاړو په ستاينغونډه کې وکړې.
د ورزش لپاره ځانګړې شوې بوديجه د ورزشکارانو لپاره کارول کېږي.
د بدني روزنې او ورزش رياست او المپیک ملي کمېټې مشر ډاکټر حفيظ الله ولي رحيمي دا څرګندونې د مډال ګټونکو لوبغاړو په ستاينغونډه کې وکړې.
ستاينغونډه نن يکشنبه د زمري په ۱۳ مه تر غرمې وړاندې د المپيک د ملي کمېټې په سالون کې وشوه چې پکې د تکواندو، د غړو ښکلا، موی تای، جوجېتسو، فوټبال، پارا المپیک او سوک وهنې مډال ګټونکي لوبغاړي وستايل شول.
په پېل کې اړونده څانګو مسؤلينو د خپلو سفرونو د پايلو او لاسته راوړنو په تړاو راپور وړاندې کړ او د بدني روزنې او ورزش رياست او المپیک د ملي کمېټې له ملاتړ يې مننه وکړه.
بيا د بدني روزنې او ورزش رياست او د المپيک د ملي کمېټې مشر وويل : يو کال وړاندې د سمونې او اصلاحاتوکومه پروسه چې پېل شوې وه اوس يې مونږ نتيجه ګورو چې له کبله يې لوبغاړي مډالونه ګټي.
له بل اړخه د فدراسيونو رهبري د ډسپلين او د ورزش په قانونمندۍ کې پوره هڅه کوي او پرمخ روان دي.
هغه زياته د ظرفيت لوړونې په تړاو وويل چې د کادرونو د جوړونې لپاره جدي اړتيا ده او په دې برخه کې به هر هغه څه وکړي چې لازم وي ترڅو ورزشي څانګې د فني او کادرونو له اړخه په ځان بسيا شي.
د المپیک د ملي کمېټې مشر په يو شمېر فدراسيونو کې د ستونو څخه هم يادونه وکړه، نوموړي وويل د يو شمېر فدراسيونو مشرانو دندې ځنډېدلي خو د لوبغاړو فعاليتونه نه دې درېدلي او په اړونده څانګه کې يې د قناعت وړ نتيجې ترلاسه کړي.
هغه تالار کې ناستو ورزشکارانو ته وويل: د راتلونکي کال د ورزش بوديجې د زياتوالي لپاره د چارواکو سره اړيکه کې دی خو له فدراسيونو څخه هم يې هم هيله وکړه چې فدراسيونونه هم هڅه وکړي چې پخپلو پښوودرېږي او د اقتصاد له اړخه په خپل ځان بسيا شي.
همدرانګه هغه ستاينليکونه چې په کاناډا کې مېشتو افغان ورزشي ټولنې ورزشکارانو، ښوونکو پخوانيو لوبغاړو ته ډالۍ کړي وو د المپیک د ملي کمېټې لخوا پرې دلته وويشل شول.
