ننګرهار؛ په خوږیاڼو ولسوالۍ کې د سوک وهنې دوستانه سیالي او د پارکور نمایشات ترسره شول
د ننګرهار ولایت د بدني روزنې او ورزش ریاست له لوري په خوږیاڼو ولسوالۍ کې د ۲۰ جوړو او څلوېښتو ورزشکارانو تر منځ د سوک وهنې دوستانه سیالۍ او د پارکور نمایشات ترسره شول.
په دې سیالیو کې د خوږیاڼو ولسوالۍ د بېلابېلو کلبونو ورزشکارانو او مینوالو یې برخه اخیستې وه، دوی د ننګرهار له ورزش ریاست څخه مننه وکړه، چې د ورته سیالیو د ترسره کېدو زمینه یې ورته برابره کړې ده.
د سیالیو او مراسمو په پای کې ورزشکارانو ته ستاینلیکونه او کپونه هم ورکړل شول.
