فارياب؛ د ميمنې ښار چاپندازانو ترمنځ د وزلوبې سيالۍ ترسره شوې
د فارياب ولايت د وزلوبې فدراسيون له لوري د دې ولایت د مرکز ميمنې ښار په وزلوبې ميدان کې د ٣٨ چاپندازانو ترمنځ د وزلوبې سيالۍ ترسره شوې.
په دغو سياليو کې د فارياب ولايت د ورزش امريت، ملي او عنعنوي لوبو مديريت مسوولینو، چاپندازانو، ګڼ شمېر مېلمنو او د دې رشتې مينه والو شتون درلود.
د دې سياليو موخه په ولايتي او نورو سياليو کې د ګډون لپاره چمتووالى او د ميمنې ښار اوسېدونکي ته د تفريح برابرول دي.
په دې سياليو کې د ميمنې ښار چاپندازانو ښې پایلې ترلاسه کړلې، چې په پاى کې د غوره چاپندازانو له لوري وستایل شول.
