پاراالمپیک اسیایي سیالۍ؛ افغان وېلچر باسکېټبال ملي لوبډلې چین تايپي ته ماتې ورکړه
د پاراالمپیک په اسیایي المپیکي سیالیو کې، چې د چین هیواد په هانګ ژو ښار کې جریان لري، افغان وېلچر باسکېټبال ملي لوبډلې په خپلې وروستۍ لوبه کې د "۵۷/۵۴" ګولونو په توپیر چین تايپي هیواد ته ماتې ورکړه.
په دې توګه د هیواد وېلچر باسکېټبال ملي لوبډلې په یادو سیالیو کې د ۱۰ غوره لوبډلو په منځ کې اووم مقام خپل کړ. افغان لوبډلې په نوموړیو سیالیو کې فيليپین او چین تايپي هیوادونه ته ماتې ورکړه او ایران، ټالینډ، چین مالیزیا ته یې لوبې وبایللې.
بلخوا نن په یادو سیالیو کې یو بل افغان ورزشکار خان اغا پرواني په لامبووهنې کې سیالي وکړه، چې ۵۰ متره واټن یې په ۵۹ ثانیو کې وواهه او په یادو سیالیو کې له مخکې تګ څخه پاتې شو.
