د زابل په مرکز قلات ښار کې د ۳۲ورزشکارانو ترمنځ د لاس چپه کولو سیالۍ پای ته ورسېدې
د زابل ولایت د ورزش امریت د ملي – دودیزو سیالیو مدیریت له لوري له ورزشکارانو او د سیمي خلکو سره په ګډه همغږۍ د ۳۲ ورزشکارانو په ګډون د «همغږۍ جام» په نوم د لاس چپه کولو سیالۍ پای ته ورسېدې.
دغه سیالۍ چې د ځوانانو سني کټګورۍ کې د یوې ورځې لپاره د په قلات ښار کې ترسره شوې موخه یې محلي – دودیزو لوبو ته ځوانانو او سیمي خلکو هڅول او وده ده.
په یادو سیالیو کې احمدضیا لومړی، بلال احمد دویم او سباوون درېیم مقام ترلاسه کړ.
په پای کې غوره ورزشکارانو ته ډالۍ هم ورکړل شوې.
