غزني؛ په مرکز غزني ښار کې د ۵۰ ورزشکارانو ترمنځ د لامبو وهنې سیالۍ ترسره شوې
د غزني ولایت د ورزش امریت په همغږۍ د لامبو وهنې فدراسیون له لوري د غزني په مرکز کې د زمري ۲۴مې د هېواد د ازادۍ په ویاړ، د دې ولایت د مرکز او د کابل د څلور لامبو وهونکو ترمنځ د کوچنیانو، نوي ځوانانو، ځوانانو او لویانو په سني کټګوریو کې د ۵۰ ورزشکارانو ترمنځ په دل ارام حوض کې د لامبو وهنې سیالۍ ترسره شوې.
په دې سیالیو کې د غزني د ورزش مسوولینو، د لامبو وهنې ملي فدراسیون استازو، ورزشکارانو او د دې رشتي مینوالو ګډون کړی و.
په پای کې غوره ورشکارانو ته مډالونه او د اتلولۍ حکمونه ورکړل شول.
