ننګرهار؛ په سرحدي ولسوالۍګوشته کې د اتو لوبډلو ترمنځ د والیبال سیالۍ پیل شوې
د ننګرهار ولایت د بدني روزنې او ورزش ریاست له لوري په لرې پرته سرحدي ګوشته ولسوالۍ کې چې له مخکې پکې ورزش ته هېڅ پاملرنه نه وه شوې د قومونو د اتحاد او یووالي په موخه د اتو لوبډلو ترمنځ د والیبال سیالۍ پیل شوې.
په دغو سیالیو کې د (گوشتې الف، ماماخیل، چکنور، خویزواتلان، گوشته ب، خیاربندی، سربلند لیسې او کابلکمپ ) لوبډلو ګډون کړی و، چې د پیل په لوبه کې خویزو اتلانو لوبډلې خپلې سیالې ګوشتې الف لوبډلې ته په دوو میدانونو ماتې ورکړه او سیالي یې په خپله نوم کړه.
باید یادونه وشي چې دا لومړی ځل دی چې په دغه سرحدي ولسوالۍ کې د اتو لوبډلو ترمنځ د والیبال سیالۍ ترسره کېږي او دغه سیالۍ به اووه ورځې دوام وکړي.
