په پکتیا کې د رنګین اختر والیبال سیالۍ د ګوهر سپورټ لوبډلې په اتلولۍ پای ته ورسېدې
د پکتیا ولایت د بدني روزنې او ورزش ریاست او والیبال فدراسیون په همغږۍ د ۲۴ لوبډلو ترمنځ د رنګین اختر و الیبال څلورم پړاو سیالۍ د ګوهر سپورټ لوبډلې په اتلولۍ پای ته ورسېدې.
دغه سیالۍ چې آته ورځې یې دوام وکړ پایلوبې ته یې ګوهر سپورټ او کلالګو ستورو لار موندلې وه، چې په پایله کې ګوهر سپورټ لوبډلې خپلې سیالې لوبډلې ته د ۳-۰ میدانونو په توپیر ماتې ورکړه او اتلولي یې خپله کړه.
یادې سیالۍ د زرمت ځوانانو له لوري ځوانانو ته د مینې او پخلاینې فکر ورکولو په موخه پیل شوې چې تېره ورځ پای ته ورسېدې.
د يادونې وړ ده چې په پای کې غوره لوبډلو او لوبغاړو ته چمتو شوې ډالۍ ورکړل شوې.
