ننګرهار؛ په ښېوې ولسوالۍ کې د ټېپ بال کرکټ ټورنمټ پیل شو
د ننګرهار ولايت د بدني روزنې او سپورټ رياست تر چتر لاندې د اختر په مناسبت د ښېوې ولسوالۍ په بر کاشکوټ سيمه کې د ٢٦ لوبډلو ترمنځ د ټېپ بال ټورنمنټ پيل شو.
د دغو سياليو په پيل کې دوې لوبې وشوې په لومړۍ لوبه کې برکاشکوټ او خوشباغ لوبډلې لوبېدلې، چې برکاشکوټ لوبډلې په ټاکل شويو لسو اورونو کې (۱۱۳) منډې هدف وټاکه.
په مقابل کې یې خوشباغ لوبډلې په ټاکلو (۱۰) اورونو کې (۱۱۰) منډې وکړې او په درې منډو یې لوبه وبایلله، په دغو سيالۍ کې امیر د لوبې غوره لوبغاړی ونومول شو.
دویمه لوبه د کوز کاشکوټ او بر کاشکوټ A تر منځ ترسره شوه، چې کوز کاشکوټ لوبډلې بر کاشکوټ A لوبډلې ته د (۸۶) منډو هدف کېښود، یاد هدف بر کوشکاټ A لوبډلې په ۷،۳ اورنو کې پوره کړ او لوبه يې وګټله.
نوموړی ټورنمنټ به شپږ ورځې دوام وکړي.
