خوست؛ د فوټسال رمضان جام سیالیو په دوام دوه سيالۍ ترسره شوې
د خوست ولايت د فوټبال فدراسيون له لوري د اماني ملي لوبغالي ترڅنګ په سرپټي لوبغالي کې د رمضان جام سیالیو په دوام دوه سيالۍ ترسره شوې.
لومړۍ سيالي د شیخ زاید پوهنتون او مټه چینې کلبونو ترمنځ ترسره شوه، چې په پايله کې لوبه مټه چينې کلب د ۴_۰ګولونو په توپير وګټله.
همدا راز په دويمه سيالي کې د شهيد معلم جان کلب لوبډلې استقلال لوبډلې ته د ۹_۳ ګولونو په توپير ماتې ورکړه او بريا يې خپله کړه.
د فوټسال په دغه ټورنمنټ کې شلو لوبډلو ګډون کړی او تر راتلونکي کوچني اختر پورې به دوام وکړي.
