خوست؛ د نشه یي توکو په وړاندې د مبارزې په عنوان د فري فایټ آزادې سیالۍ ترسره شوې
د خوست ولایت د ورزش آمریت اړوند د رزمي ورزشونو فدراسیون د MMA په برخه کې د لسو کلبونو د ورزشکارانو ترمنځ د نېشه یي توکو په وړاندې د مبارزې په عنوان اماتور سیالۍ ترسره کړې.
د سیالیو د پیل په مراسمو کې د خوست د ورزش آمر عطاء الله کډوال، د فدراسیونونو مشرانو، ورزشکارانو او د ورزش ګڼ شمېر مینوالو ګډون کړی و.
دغه سیالۍ، چې د اسمعیل خیلو ولسوالۍ په دوه سرکه سیمه کې وشوې، د لسو کلبونو ۶۰ تنو ورزشکاران د یو بل په وړاندې ولوبېدل.
هغه مراسم ، چې په همدې د اسمعیل خېلو مندوزیو ولسوالۍ په دوه سړکه بازار کې نیول شوي وو، پکې د خوست ورزشي امر عطاء الله کډوال، د دویمې امنیتي حوزې امر عثمان ، د رزمي ورزشونو مسؤول جمیل الماس ، د جوجیتسو فدراسیون مسؤول حکمت الله څپاند ، استادانو ، ورزشکارانو او د ورزش ګڼو مینه والو برخه اخیستې وه.
د سیالیو په پای کې لوبغاړو ته کپونه، مډالونه او د قهرمانۍ حکمونه ورکړل شول او د ورزشکارانو له لوري د خوست د ورزش امر ته د اعزاز لونګۍ ورپه سر کړل شوه.
