هرات کې د رزمي ورزشونو سيالۍ ترسره شوې
د هرات ولايت هاپکيدو رشتي رزمي ورزشونو نهم پړاو سيالۍ د بدني روزنې او ورزش ريئس، د فدراسيونونو رئيسانو، روزونکو، مخکښو او ګڼو مينه والو په شتون کې د ميدان نبرد ورزشي لوبغالي کې ترسره شوې.
په دغو سياليو کې د هرات ولایت ښار او ولسوالیو د ١٥ورزشي کلپونو ٧٠ تنو ورزشکارانو د نوي ځوانانو، ځوانانو او لويانو سني کټګوريو کې له يوې بل سره ولوبېدل.
د هاپکيدو سبک رزمي ورزشونو فدراسیون مسؤل جليل احمد يعقوبي د دې سياليو موخه د ورزش وده او د ورزشکارانو مهارتونو ارتقا بللې ده.
د سياليو په پاى کې مقام ګټونکو لوبغاړو ته ورزشي حکمونه او مډالونه ووېشل شول.
