کابل؛ د کورش پسرلنۍ اختریزې سیالۍ پای ته ورسیدې .
د افغانستان د کورش ملي فدراسیون اړوند د کابل د کورش کلبونو ترمنځ پسرلۍ اختریزې لوبې ترسره شوې.
یادې سیالۍ د لوړ عمر لرونکو له ۶۰ - ۱۰۰+ وزني کتګوریو څخه د کابل ښار له نهو کلبونو تر ۱۰۰ ډیرو ورزشکارانو پکې ګډون کړی ۇ.
دغه سیالۍ د سهار نهه بجې پیل او د ماښام تر اوو بجو یې دوام وکړ چې په پایله کې د کابل ولایت له یادو نهو کلبونو څخه چشتي کلب لومړی، آریانا کلب دوهم او ورپسې د کابل پوهنتون کلب درېیم مقام خپل کړ.
د کورش دغه اختریزې سیالۍ چې نن جمعه د یوې ورځې لپاره د بدني روزنې او ورزش ریاست په ۲۵۰۰ کسیز جمنازیوم کې وشوې، موخه یې د کورش غوړېدا، پرمختګ او همدارنګه د تجربو ترلاسه کول بلل شوي.
