دایکندي کې د والیبال ټورنمنټ پای ته ورسېد
په دایکندي ولایت کې د والیبال د شپږو لوبډلو تر منځ پیل شوی ټورنمنټ پای ته ورسېد.
دغه ټورنمنټ چې د یاد ولایت د شپږو غوره لوبډلو تر منځ پیل شوی و، تېره ورځ پای ته ورسېد.
د ټورنمنټ پایلوبې ته د مرکز توفان لوبډله او مرکز الف لوبډلې وتلې وې، چې لوبه توفان لوبډلې درې د یو پر وړاندې وګټله او یاد ټورنمنټ یې پخپل نوم کړ.
یاده دې وي چې له پایلوبې وروسته د دایکندي ولایت ورزشي امریت لخوا لومړۍ، دویمې او درېیمې لوبډلې ته کپونه او مډالونه ورکړل شول او غوره لوبغاړو ته ستاینلیکونه ورکړل شول.
