کندز؛ پيروزي مراد شيخ ځوانانو لوبډلې د فوټبال الف ليگ سياليو اتلولي وگټله
د کندز ولايت د بدني روزنې او ورزش ریاست په همغږۍ، د فوټبال فدراسيون د استازولۍ له لوري د ياد ولايت په امام صاحب ولسوالۍ کې د ۱۳ لوبډلو ترمنځ د فوټبال الف ليگ سيالۍ د پيروزي مراد شيخ ځوانانو لوبډلې په اتلولۍ پای ته ورسېدې.
د يادو سياليو په پايلوبه کې پيروزي مراد شيخ ځوانانو لوبډلې خپلې سيالې استقلال ځوانانو لوبډلې ته د ۵ پر ۳ گولونو په توپير ماتې ورکړه او اتلولي يې خپله کړه.
دا سيالۍ د غوره لوبډلې ټاکلو او ورزش ته د ځوانانو هڅولو په موخه وشوې، چې شاوخوا دوه مياشتې يې دوام وکړ.
