پروان کې د ۱۳ لوبډلو ترمنځ د واليبال سيالۍ د سيد خېل لوبډلې په اتلولۍ پای ته ورسېدې
د پروان ولايت د بدني روزنې او ورزش آمريت په همکارۍ او د واليبال فدراسيون د استازولۍ له لوري د مرکز او ولسواليو اړوند د ۱۳ لوبډلو ترمنځ د "استقلال جام" په نوم د واليبال سيالۍ، چې دوه اوونۍ مخکې پيل شوې وې د سيد خېل ولسوالۍ منتخبې لوبډلې په اتلولۍ پای ته ورسېدې.
د دغو سياليو په پايلوبه کې سيد خېل ولسوالۍ منتخبې لوبډلې خپلې سيالې غوربند منتخبې لوبډلې ته د زياتو امتیازونو په توپير ماتې ورکړه او اتلولي يې وگټله.
د يادو سياليو په پای کې د مسؤلينو له لوري لوبډلو او غوره لوبغاړو ته نغدي ډالۍ، کپونه، مډالونه او ستاينليکونه ورکړل شول.
